【明報專訊】工聯會前立法會議員王國興，今年區議會選舉會將會退下火線，佢所屬嘅東區區議會小西灣選區議席，將交棒畀同黨女將李樂昕競逐。但交棒之路未必平坦，皆因有建制背景、上屆曾經挑戰王國興嘅柴灣街坊福利會理事長朱日安會捲土重來，並已報名參選，連同民主派陳榮泰，可預見挑戰重重。 工聯會副會長、立法會議員黃國健就強調，任何人都有參選權，最緊要做好自己、希望順利接棒喎。翻查資料，朱日安喺上屆區選獲得783票，佢當時就話不滿地區狀况，所以出戰區選。 鄧家彪轉戰沙田水泉澳 此外，工聯會前立法會議員鄧家彪將由本身嘅離島區逸東邨北選區，轉戰沙田水泉澳。工聯會會長吳秋北噚日解釋，阿彪喺逸東邨北將會交棒畀助理、即該黨劉展鵬參選；但阿彪「有拼勁」所以開拓新區。不過，水泉澳區目前共有4人混戰，包括沙田區政盧德明、曾參選立法會嘅趙佩玉，以及雷奕芳。逸東邨北另有獨立參選人方龍飛。
|
| |
| |
;)
