【明報專訊】陳圖安伙拍黃宇詩為香港開電視主持10集飲食節目《拾味人生》，透過介紹美食和訪問米芝蓮星級名廚，分享人生經歷的甜酸苦辣。

陳圖安透露花9個月時間籌備節目，經常周圍尋找美食，望大家懂得享受和尊重食物。黃宇詩自稱捨得花錢食多於扮靚，感覺食落肚最實際。嗜吃中菜的她說：「試過品嘗的高級菜式要2000至3000元一位，算負擔得到，不算太貴。可能香港租金貴，反而去日本、台灣、泰國食高級菜式都好平又好味。」她感嘆現時社會局勢不穩，能夠一家人開心食餐飯已很滿足。陳圖安亦認同，跟家人在屋企煎荷包蛋和蒸肉餅、普通食餐飯亦好好味。

黃宇詩稱經營樓上內衣店的生意有少許受社會局勢影響，之前幾個月生意額保持平穩，今個月因提早關門才微跌，不過有信心捱得過，又形容自己好彩，早幾個月已跟業主續新租約，對方沒有狂加租金，自覺有租樓命。

記者：林蘊兒