【明報專訊】政府引用《緊急法》實施《禁蒙面法》之後，引發更激烈嘅示威，唔少示威者會將文宣貼喺顯眼位置，亦會以噴漆喺花槽、路牌、巴士站等位置噴上訴求。Emily留意到，最近網上有個「青年快閃 社區清潔大行動」嘅page，組織義工以「快閃」方式喺各區清潔，活動發起人包括香港島婦女聯會副秘書長歐陽鳳盈，以及菁英會副秘書長高松傑。

「清潔大行動」最新一段短片，係一班義工前日喺尖沙嘴一帶快閃清潔，從片段所見，義工好認真咁清潔咗油尖警區總部嘅門牌，扶起路上嘅分類回收箱，喺被拆走圍欄嘅行人路拉起膠帶，亦有抹走馬路中間花槽上嘅標語，例如「五大訴求，缺一不可」。