【Emily】民主思路公布 一國兩制指數升
[2022.08.18] 發表
【明報專訊】行會成員湯家驊創立嘅智庫民主思路噚日公布一國兩制指數，綜合民調及國際評價，以10分最高，結果顯示指數由1月嘅5.63分升至5.82分，維持升勢。至於根據委託中大香港亞太研究所喺6至7月做嘅電話民調，對一國兩制評價，評分結果同樣上升，由4.02分升至4.71分，不過國際智庫評價就由7.25分降至6.93分。
國際評分相反 籲政府適時澄清事件
負責指數嘅民主思路聯席召集人潘學智話，特首李家超新政府仍處於蜜月期，市民對落實兩制有希望和信心，但認為國際社會對香港過去3場選舉同民主派被捕不安，故本地同國際評分走勢剛好相反。湯家驊分析時建議，政府對有機會影響一國兩制實施嘅事件要及時向本地和國際傳媒澄清，並認為需時調解部分人對國安法嘅錯誤觀念。
調查又顯示，支持2047年後延續一國兩制比例達到調查有紀錄以來新高，75.7%受訪者認為應該延續，比上一輪喺1月嘅調查上升8.3個百分點；反對延續嘅比例就下跌咗5個百分點，去到8.9%。
更多港聞
【Emily】文憑試覆核成功 男拔生成超級狀元
【明報專訊】「公營醫療系統壓力大，我會話可能更加推動我去讀醫科，可能我有一定愚蠢、衝勁」，來自拔萃男書院嘅梁嘉朗成功覆核中學文憑試（DSE）... 詳情
【Emily】劉秀成獲建築師學會金獎 學生何永賢到賀
【明報專訊】香港建築師學會噚日舉行2021年度「香港建築師學會金獎」頒獎禮，以表揚喺香港建築有持續、深遠及卓越貢獻嘅會員，而資深建築師、立法... 詳情
【明報專訊】政府最近展開全港清潔運動，銳意改善社區衛生問題，選委會界別立法會議員梁毓偉（Kenneth）對此亦相當關注。佢同Emily講，屋...
詳情
相關新聞
