【Emily】劉秀成獲建築師學會金獎 學生何永賢到賀

（林靄怡攝）

【明報專訊】香港建築師學會噚日舉行2021年度「香港建築師學會金獎」頒獎禮，以表揚喺香港建築有持續、深遠及卓越貢獻嘅會員，而資深建築師、立法會前議員劉秀成(左圖)為今屆得獎者。遴選委員會稱，劉秀成喺過去半世紀嘅專業生涯中，對香港建築界和社會貢獻良多，特別係推動古蹟保育和綠色建築方面。

會上有多名建築師到場慶賀劉秀成得獎，房屋局長、建築署前署長何永賢亦有到場道賀。劉秀成分享，出席者中不少人係佢學生，包括何永賢。佢又話，本港建築密度相當高，建築物亦如同大商場，故自己一向着重天地人合一嘅建築概念，亦會多留意建築物嘅空氣流通度。談到建築業界未來，香港建築師學會會長蔡宏興就喺會上話，業界目前面臨人手短缺問題，預計要增加逾百註冊建築師，否則難以應付未來10年建築量。