【明報專訊】警方放催淚彈成日畀人話有二噁英，仲引起氯痤瘡疑慮。行動部高級警司汪威遜喺記者會話，佢係機動部隊教官，吸入催淚彈CS(「鄰-氯代苯亞甲基丙二腈」)分量相信多過任何一個人，「我都無生氯痤瘡」。 汪威遜話，對外界將二噁英同催淚煙扯上關係，「摸不着頭腦點解入落催淚煙數」。佢話，催淚煙會釋放CS，據醫學刊物，正常、合法地使用係安全，出現永久後遺症「極少見」。被問高溫發催淚煙會否釋放二噁英，佢就話自己唔係化學專家，所以唔知。 立場記者睇中醫 料生氯痤瘡 立場新聞記者陳裕匡喺facebook發文話自己有「氯痤瘡」、「目前唯一可確認，人體積存高濃度二噁英的表徵」。佢噚日同Emily講，自6月中採訪衝突，食催淚彈不下數十次，除咗有肚屙，10月中起上手臂出現6至7粒一毫子咁大嘅瘡，範圍有半隻手掌大，呈灰啡色。上周因肚屙睇中醫，中醫睇佢皮膚患處，相信係氯痤瘡。陳裕匡話自己生活環境、飲食無變，相信問題同催淚彈有關，嚟緊會再睇西醫診斷。
|
| |
| |
