【Emily】建築師兆倫 中醫師家倫 「廢中」兄弟齊選區會

[2019.07.29] 發表

【明報專訊】區議會選舉將會喺11月舉行，唔少正考慮出選嘅人近日相繼開展地區工作。Emily收到風，本身屬於泛民特首選委嘅建築師關兆倫同哥哥中醫師關家倫，有意齊齊出戰區選。關家倫有意披甲出戰黃埔東，同現任黃埔西區議員鄺葆賢，中、西醫拍住上；關兆倫就積極考慮出戰紅磡區，對撼民建聯現任區議員林德成。

關兆倫同Emily講，反修例風波爆發後下定決心，考慮出戰，「見到啲後生，命都唔要，『廢中』好似做到就做啲嘢」。

同屬泛民選委分戰紅磡黃埔

關兆倫話紅磡區係一個老區，傳統建制有優勢，都幾大挑戰性，但同時區內亦都有唔少重建項目，希望可以喺舊區維修、市區重建呢啲方面幫吓手。

佢透露已經開展地區工作，噚日都有擺街站、宣傳吓，被問到有冇地區工作秘訣，佢話要靠勤力，希望自己嘅技能可以令居民覺得幫到手。

關家倫、關兆倫兩兄弟2016年底分別循中醫界「十三同仁」名單，以及建築、測量、都市規劃及園境界「CoVision16」名單晉身特首選委，唔知兩兄弟今次區議會選舉可唔可以齊齊變身區議員呢？

更多港聞

【明報專訊】第15屆「香港青少年軍事夏令營」結業典禮噚日早上舉行，典禮邀請咗好多重量級嘉賓，包括自6月反修例風波以來，極少出席公開活動嘅特首... 詳情

【明報專訊】政務司長張建宗上周五承認警方處理7．21元朗襲擊事件同市民期望有落差，仲道埋歉，引起警隊唔少人公開表示不滿，張建宗之後就補飛話「... 詳情

【明報專訊】噚日下晝有天主教團體喺黃大仙舉行主題係「反送中運動」嘅政治情感分享兼祈禱聚會，由香港教區輔理主教夏志誠主持。對於有人覺得祈禱會係... 詳情

【明報專訊】日前網上流傳一幅港台直播元朗衝突時，民建聯facebook小編留言嘲弄警方嘅截圖，民建聯其後澄清「全屬虛構」。話說有網民... 詳情

【明報專訊】喺反修例風波中，前特首梁振英（CY）之前都保持低調，至近日示威衝突連連，佢就頻頻喺fb評論。前晚元朗大衝突後，CY深夜更喺個半鐘... 詳情