【Emily】入境處進駐小紅書 頭炮處長粉墨登場
[2024.10.02] 發表
【明報專訊】近年唔少政府部門開設社交平台帳戶做宣傳，其中入境處前日進駐內地小紅書，就人才入境計劃、協助在外香港居民同埋招聘等提供資訊，截至噚晚7點幾已經有逾4000個粉絲。因應噚日國慶假期，處方仲分享「過關小錦囊」，提醒大家避免喺早上8點至中午繁忙時段過關，本港居民則可以登記同使用非觸式e道過關。
入境處長郭俊峯仲粉墨登場，喺首段片段手持實體「小紅書」，回顧處方昔日事件，包括今年6月入境處總部由灣仔搬去將軍澳；7月聯同澳門推出「港澳通關互用二維碼服務」，而同月又帶領青少年領袖團到上海交流，行程之一就喺參觀小紅書總部。呢本實體「小紅書」喺片尾搖身一變成為智能電話，顯示處方小紅書帳戶，提醒網民關注同埋留意最新動態。
更多港聞
【明報專訊】「憲法和基本法推廣督導委員會」轄下嘅「愛國主義教育工作小組」喺國慶日推出一段全新電視宣傳片，背景音樂用咗愛國主義教育主題曲《我們...
詳情
【明報專訊】嶺南大學參與「溫暖送萬家」行動，在昨天國慶日向深水埗區7500戶劏房家庭贈送由嶺大團隊研發的袖珍空氣淨化機。嶺大表示，今次行動展...
詳情
相關新聞
