【明報專訊】新華社官方facebook日前為慶祝香港回歸20周年，推出普通話歌曲《我的Hong Kong》，歌曲由參加過《快樂女聲》嘅路濱琪主唱，唔少人讚好聽，原來呢首歌仲有廣東話版，請嚟香港老牌歌手張明敏同個仔主唱，今次同樣備受網民關注，但唔少人關心嘅，係歌詞唔啱音嘅問題。 《我的Hong Kong》廣東話版與普通話版一詞兩唱，唔少網民發現當普通話歌詞套入廣東話之中，有時就會「唔啱音」，好似「遊子結束 百年的流浪」、「二十年回望，再沒有徬徨」、「一國兩制、港人治港、高度自治，最堅定力量」等，部分歌詞同曲調唔夾，有啲突兀，包括「遊子」變咗「柚子」、「徬徨」變咗「蚌王」呀咁。 有人仲專心聽歌務求點出重點古怪位，話如果唔睇歌詞，聽到「專奄富強」(尊嚴富強)、「二十年燴芒」(二十年回望)，確係會忍唔住笑。不過，亦有人留言讚話聽廣東話始終親切啲，有人就話「詞很有意思，歌難唱得動聽」，認為唔係歌手嘅問題。
|
| |
| |
;){kind=small}
