【Emily】宿舍渴市10年 青年望見綠洲
[2023.03.11] 發表
【明報專訊】政府喺2011/12年度提出青年宿舍計劃，直到𠵱家只有一個宿舍已啟用，提供不足100個宿位，不過，第二個由保良局營運嘅青年宿舍計劃「青年綠洲」終於面世，下周一(13日)中午接受申請，最緊要係有成1680個宿位，但幾錢租仲未正式公布，暫時只知係市值嘅一半，申請人最長可以住5年。民青局長麥美娟噚日拉隊去參觀，睇落都有幾多共用空間，而且都幾闊落。
不過，宿舍就遠少少，喺元朗大樹下西路，坐接駁巴士去元朗西鐵站差唔多近半個鐘頭。宿舍地皮由李兆基基金捐贈，政府全資建築。全幢27層嘅宿舍有單人房同雙人房，179呎至240呎不等，有獨立浴室，但廚房、洗衣房就要共用，租金會按房間面積、樓層、方向而定。
至於申請資格，申請人要係在職人士，截至今個月底為18至30歲，每人月入2.5萬以下，資產唔多於38萬元，申請時要提交收入同資產證明等文件。
更多港聞
【Emily】西環前一哥彭清華 晉身國家領導人
【明報專訊】全國人大會議噚日選出國家主席、副主席、人大常委會委員長、副委員長等國家領導人，中聯辦前主任彭清華（圖）獲選副委員長，成為首名官拜... 詳情
【Emily】奧斯卡嘉賓風波 建制發動撐甄子丹
【明報專訊】身兼全國政協嘅影星甄子丹本身將出席後日（周一）舉行嘅奧斯卡金像獎，擔任其中一個頒獎嘉賓，不過因為以前佢接受外媒訪問時指出2019... 詳情
相關新聞
