【Emily】奧斯卡嘉賓風波 建制發動撐甄子丹
[2023.03.11] 發表
【明報專訊】身兼全國政協嘅影星甄子丹本身將出席後日(周一)舉行嘅奧斯卡金像獎，擔任其中一個頒獎嘉賓，不過因為以前佢接受外媒訪問時指出2019年反修例運動係「暴動」，近日網上有聯署要求奧斯卡取消甄嘅頒獎嘉賓資格，截至香港時間噚晚9點已有超過9.8萬人聯署。
事件發酵幾日後，建制派群組都有人還擊，網上發起兩份聯署支持甄子丹擔任奧斯卡頒獎嘉賓，截至噚晚都分別各有3000幾人支持。
根據其中一份聯署，話甄子丹畢生都推動和平同中國武打電影，並要求主辦嘅美國影藝學院維持請甄子丹做頒獎嘉賓。不過聯署話甄子丹係「國安法支持者」，Emily就搵過報道同甄嘅微博，唔太覺佢公開講過國安法。另一份由「新潮民」發起嘅聯署就話甄子丹推動武打電影，認為奧斯卡應該表彰佢。Emily問過影藝學院，但截稿前未有回覆。
更多港聞
相關新聞
