【Emily】西環前一哥彭清華 晉身國家領導人
[2023.03.11] 發表
【明報專訊】全國人大會議噚日選出國家主席、副主席、人大常委會委員長、副委員長等國家領導人，中聯辦前主任彭清華(圖)獲選副委員長，成為首名官拜國家領導人嘅西環一哥。
彭清華出身中組部，曾喺香港工作9年，與香港不少政界人士關係友好，佢亦多次以「九年風雨路，一世香江情」描述自己對香港嘅感情。今次佢晉身國家領導人，相信討論香港問題時，會有多一把熟悉香港事務嘅聲音。
彭清華2009年上任中聯辦主任，2012年離任後，佢先後出任廣西及四川省委書記。執掌廣西5年間，廣西GDP倍增，轉任四川省委書記後，全力推動渝成合作，又成為長江中游嘅經濟龍頭。
陳曉峰監票：榮幸激動神聖莊嚴
另外，人大選舉設有監票人制度，由來自不同界別嘅人大代表負責，喺各代表投票期間，企喺票箱旁邊監票。過往都試過有港區人代成為監票人，今屆就有自由黨副主席、律師陳曉峰，佢喺facebook話無比榮幸，尤其是喺人民大會堂聽到自己個名，當下都好激動，有種既神聖又莊重嘅感覺喎。
更多港聞
【Emily】奧斯卡嘉賓風波 建制發動撐甄子丹
【明報專訊】身兼全國政協嘅影星甄子丹本身將出席後日（周一）舉行嘅奧斯卡金像獎，擔任其中一個頒獎嘉賓，不過因為以前佢接受外媒訪問時指出2019... 詳情
相關新聞
