【明報專訊】港珠澳大橋噚日舉行開通儀式，特首林鄭月娥同國家主席習近平並肩帶頭進場成為焦點，政圈對呢個進場方式有唔少解讀。同一時間，林太噚日身穿嘅粉紅色套裝就引起網民注意，因為習主席不時被聯想成卡通角色小熊維尼，而小熊維尼喺卡通入面?好朋友「豬仔(Piglet)」正正係粉紅色外形，唔少網民形容林太似豬仔，更有人將兩人改圖，唔知林太會唔會感到被「網絡欺凌」呢？

CY：走大橋，看珠西

前特首梁振英噚日亦有出席開通儀式，佢喺個人facebook發文，形容港珠澳大橋開通係「當日的夢想今天已經成為現實」，相信通車對粵港澳經貿合作以至社會民生共同發展，都有重大促進作用。佢特別提到自己牽頭成立嘅「大灣區香港中心」，將會組織香港校長、老師同學生「走大橋，看珠西(珠三角西岸)」。

噚日參加儀式嘅嘉賓唔可以帶電話，但記者就得，所以唔少嘉賓都搵記者幫手影相，而且好有秩序，排晒隊一批批咁影，佢哋一邊影一邊不忘叮囑記者，記得傳返啲相片畀佢哋。