【明報專訊】立法會上周審議樓市雙辣招時火花四起，條例雖通過，但身兼行會成員嘅經民聯副主席林健鋒，就被人話無履行行會成員責任，缺席會議無投票，而經民聯成員亦未支持政府。事後，林健鋒嘅黨友話佢上周六肚瀉，所以提早離開會議廳。事隔一日，林健鋒看來面色不錯，噚日出席經民聯喺大埔林村舉行嘅新春盆菜宴。盆菜油膩，唔知佢有無戒口呢？ 經民聯嘅盆菜宴都幾熱鬧，有近兩千名來自港九新界嘅街坊好友參加。經民聯成員包括監事會主席林建岳、主席梁君彥、副主席林健鋒和盧偉國等人，仲上台拉響花炮，象徵花開富貴。林健鋒話﹕「大家同吃一盆菜，寓意上下和睦、團結一心。」唔知特首見到上周六嘅立法會投票結果，會唔會覺得行會成員都要團結多啲呢？
|
| |
| |
;){kind=small}
