【Emily】700熊貓雕塑昂坪展出 5纜車變主題車廂
[2024.12.13] 發表
【明報專訊】《PANDA GO！香港遊》嘅大熊貓雕塑嚟緊周末會去第二站昂坪市集。昂坪360噚日話會有700隻大熊貓快閃登陸市集，其中628隻周六同周日(14及15日)喺大佛對落牌坊旁嘅廣場展出，另約70隻會擺喺其他位置，仲會保留到元旦。
呢次活動由昂坪360同世界自然基金會(WWF)同主辦單位ARR佈置，熊貓導遊「PANDA GO! GUIDE」亦會喺禮拜六現身市集。另一亮點係有5架纜車會以熊貓為主題，車廂內有大熊貓雕塑。昂坪360董事總經理董沛銓話，呢5架都係標準車廂，賓客咁啱搭到就可同大熊貓近距離接觸。
獲評穆斯林「黃金級認證景點」
政府正銳意發展穆斯林旅遊，昂坪360主席黃琨暐就報喜話，佢哋喺9月獲穆斯林友善旅遊評級機構「新月評等」評為「黃金級認證景點」，而昂坪市集已有男女祈禱室，附有穆斯林女士長袍、禮拜氈、可蘭經、祈禱珠等用品，市集亦已引入清真餐廳。
更多港聞
【明報專訊】除夕有跨年倒數煙花匯演，政府噚晚公布，已建議深圳灣口岸由原來午夜關閉，改為通宵服務；羅湖口岸亦延長至翌日凌晨兩點。當局話內地口岸...
詳情
【Emily】李家超上京 見港商會內地高校代表
【明報專訊】特首李家超去咗北京，預料今日向國家領導人述職，而佢噚日嘅行程都豐富，先後見咗香港商會及內地高校代表。政務司長陳國基今日黃昏亦會赴... 詳情
相關新聞
