【Emily】除夕深圳灣開通宵 羅湖延至凌晨兩點
[2024.12.13] 發表
【明報專訊】除夕有跨年倒數煙花匯演，政府噚晚公布，已建議深圳灣口岸由原來午夜關閉，改為通宵服務；羅湖口岸亦延長至翌日凌晨兩點。當局話內地口岸部門已上報國家部門審批，將盡快公布詳情，而港珠澳大橋口岸及落馬洲／皇崗口岸將如常24小時通關。另外，港鐵大部分鐵路線除夕將通宵服務，亦會加強服務配合羅湖延長開關。
舊年除夕煙花倒數後大批內地旅客趕唔切過關，滯留過境巴士站及火車站，唔少人喺「小紅書」大罵。港府為免事件發生，今年預告採取特別措施。運輸署將調整交通安排配合關口服務時間，包括增加過港珠澳大橋金巴、落馬洲皇巴及跨境直通巴士嘅班次，並喺有需要時喺港珠澳大橋口岸、落馬洲／皇崗及深圳灣口岸等設公共交通專道。警方等各部門將組成跨部門聯合指揮中心，喺12月21日至明年1月1日監察口岸情况。
更多港聞
【Emily】李家超上京 見港商會內地高校代表
【明報專訊】特首李家超去咗北京，預料今日向國家領導人述職，而佢噚日嘅行程都豐富，先後見咗香港商會及內地高校代表。政務司長陳國基今日黃昏亦會赴... 詳情
相關新聞
