【Emily】李家超上京 見港商會內地高校代表
[2024.12.13] 發表
【明報專訊】特首李家超去咗北京，預料今日向國家領導人述職，而佢噚日嘅行程都豐富，先後見咗香港商會及內地高校代表。政務司長陳國基今日黃昏亦會赴京，話陪同李家超見相關國家部委。
李家超噚日喺facebook發帖分享在京行程。佢噚日與多名港人在京商會領袖共膳，話好高興商會喺推動京港兩地優勢互補、資源互惠方面發揮「領頭羊」作用。佢提到商會一直致力推動京港兩地嘅商貿、文化、科創等方面合作，提供港人港企關心嘅資訊，為香港帶來新商機，亦為在京港青提供考察、實習機會等。
李家超之後亦見咗「高端人才通行證計劃」下嘅北京高校代表，包括中國人民大學校長林尚立、北京大學副校長方方、清華大學副校長楊斌等。佢話香港要繼續積極搶人才、留人才，為國家及香港建立優質人才庫，又感謝各大學一直支持特區政府。
更多港聞
相關新聞
