【Emily】形容「有志做律師」 律師會賀江旻憓奪金
[2024.07.30] 發表
【明報專訊】「微笑劍后」江旻憓(Vivian)喺巴黎奧運女子個人重劍攞金牌後，各方祝賀信息繼續湧至。律師會噚日向仲讀緊法律博士(JD)嘅Vivian祝賀，並特別形容佢「有志成為律師的江旻憓」(would-be lawyer)。
律師會讚揚Vivian喺訓練同讀書之間取得平衡，實在好唔容易，又話好高興由傳媒報道得知Vivian「計劃在畢業後成為一名律師」。睇番Vivian 2021年同律師會理事會改選部分候選人活動嘅對話時，佢提到去史丹福大學讀國際關係係想去聯合國工作，又謙稱「唔知有無能力成為律師」。佢前年12月喺芝加哥大學香港校園對談又話，未好肯定讀法律理由，不過好鍾意律師思考過程，又形容自己作為運動員有時思考比較直線同天真，「希望可以知性同聰明啲」。
除咗奧運，香港出年11月承辦全運會部分賽事，律師會話已經籌備緊義工團隊，話有興趣會員可以報名。
更多港聞
【Emily】McGriddles熱賣 下周一起早餐限定
【明報專訊】麥當勞噚日喺facebook專頁話，上周六（27號）推出嘅兩款楓糖班戟漢堡「McGriddles」，搞到店內成日排長龍，有人話要... 詳情
【Emily】未聞UNIQLO有運動出品 何俊賢被指無知
【明報專訊】全城聚焦奧運，民建聯立法會漁農界議員何俊賢都有睇港隊同其他隊伍嘅賽事，佢一度喺facebook話，瑞典乒乓球隊球衣由日本知名服裝... 詳情
【明報專訊】「以牙還牙」（a tooth for a tooth）典出古巴比倫《漢謨拉比法典》，法典規定若一個人擊落別人的牙齒，其牙齒也要被...
詳情
相關新聞
