【Emily】多啦A夢無人機騷7?20再搞
[2024.07.06] 發表
【明報專訊】早前喺維港舉行嘅多啦A夢無人機匯演，吸引唔少人去湊熱鬧，主辦單位ARR計劃喺7月20日(周六)搞多場，今次會移師星光大道近尖東海域上空舉行，並加入新內容。主辦單位話，由於上次觀賞人數眾多，到時有部分星光大道會分成不同嘅免費戶外展區，並實施單向人流管制，參觀者須由指定入口進入。
另外，主辦單位下周六(13日)開始舉辦《100%多啦A夢&FRIENDS》巡迴特展，想去同12米高嘅吹氣多啦A夢「打卡」同參觀展區嘅市民，就要由下周二(9日)起透過Klook系統預約。由於今次實施單向人流管制，屆時只限已預約或已購買收費展區門票嘅市民進入展區範圍，主辦單位建議提早到場，並預留30分鐘辦理入場手續。
更多港聞
【明報專訊】國家主席習近平早前提出推動新質生產力，以創新起主導作用，擺脫傳統經濟增長方式，香港政界都話要響應，但何謂新質生產力、香港點樣實踐...
詳情
相關新聞
