【Emily】鄧家彪智庫請到胡鞍鋼講新質生產力
[2024.07.06] 發表
【明報專訊】國家主席習近平早前提出推動新質生產力，以創新起主導作用，擺脫傳統經濟增長方式，香港政界都話要響應，但何謂新質生產力、香港點樣實踐，就唔係人人講到。工聯會鄧家彪搞嘅智庫治港新政，聯同香港中國企業協會資訊科技行業委員會、清華大學國情研究院及香港都會大學，將喺本月26日舉辦「香港新質生產力」研討會，重量級講者係清華大學文科資深教授胡鞍鋼。鄧家彪同Emily講，財政司長陳茂波及都會大學校長林群聲等都會出席。
胡鞍鋼係清華大學國家治理與全球治理研究院首席專家，係國情研究嘅領軍人物，先後兼任國家「十一五」、「十二五」、「十三五」規劃專家委員會委員等。喺今次研討會，胡鞍鋼會以「中國式現代化」為題，解說新質生產力嘅含意，其他講者亦會解說香港創新科技同新質生產力嘅關連。
更多港聞
相關新聞
