【Emily】獄中何秀蘭讀日文又練plank
[2021.06.24] 發表
【明報專訊】立法會前議員何秀蘭(Cyd)早前因前年參與「8．18流水式集會」被判入獄8個月，佢嘅facebook帳戶噚日發帖，透露Cyd喺獄中上晝會讀日文、下晝喺工場開工，夜晚就會睇書、寫信；另外都會堅持做運動，𠵱家做平板支撐(plank)可以由1數到50。近日天氣熱，唔少人關注囚友，帖文引述Cyd話前一晚真係好熱，要用濕毛巾墊住後頸瞓，整濕枕套都冇辦法。另外佢剪咗頭髮，顯得更清爽。
至於獄中最唔適應嘅，阿Cyd話係噪音，因為電視聲浪好大，佢試過要雙手掩住耳仔睇書；又話囚友都好堅強、對佢好好，佢自己就特別關心冇人支援嘅南美、非洲囚友。
鍾錦麟跪求林欣彤歌詞
另一邊廂，西貢區議會前主席鍾錦麟(Ben)因民主派立選初選案還押，民主黨主席羅健熙同黨友、元朗區議會主席黃偉賢去咗探佢，羅健熙其後話阿Ben精神唔錯，一向都係林欣彤歌迷嘅Ben，仲話最近喺收音機聽到林欣彤首新歌《林中鳥》，要「雪地跪求」大家幫手寄歌詞入去畀佢𠻹呀。
更多港聞
【Emily】邱騰華話營運難 美食車計劃或明年壽終
【明報專訊】推出咗4年幾嘅美食車先導計劃，明年2月後可能會步入終結。商務及經濟發展局長邱騰華噚日書面回應旅遊界立法會議員姚思榮查詢，提到美食... 詳情
【Emily】葉太：唔明點解當年搵蘇錦樑做局長
【明報專訊】立法會噚日討論由民建聯主席李慧琼提出嘅「改革主要官員問責制」無約束力議案，要求政府提升治理水平。保安局前局長、新民黨主席葉劉淑儀... 詳情
教局深圳辦課程支援跨境生 小組面授 涵蓋心理學習
【明報專訊】疫情持續一年多，跨境學童無法每天過境來港上學。教育局長楊潤雄昨回覆議員查詢時提及兩項新支援措施，稱已委託承辦機構「香港國際社會服... 詳情
【明報專訊】營辦位於九龍塘京斯敦國際幼稚園及京斯敦國際學校的Sheen Wealth International Limited向城規會申請...
詳情
相關新聞
