【Emily】葉太：唔明點解當年搵蘇錦樑做局長
[2021.06.24] 發表
【明報專訊】立法會噚日討論由民建聯主席李慧琼提出嘅「改革主要官員問責制」無約束力議案，要求政府提升治理水平。保安局前局長、新民黨主席葉劉淑儀發言時話，問責制重點係「搵對人」做官，點解政府當年搵蘇錦樑(圖)出任商務及經濟發展局長，「我真係摸不着頭腦」，批評對方任內表現乏善可陳，「甚至處理王維基申請(免費)電視牌照時狼狽不堪，我記得佢做到喊咁滯」。
葉太話，蘇錦樑不曾參選，冇政治或商界經驗，「為何精英？係咪蘇先生喺加拿大讀過大學就叫精英？」佢強調，資深官員有責任培養下屬，「我哋喺立法會做咗十幾年，見到好多副局長同政助表現參差，有啲真係好有passion(熱誠)、好『熟書』、好願意幫人，但有啲(連)議員都唔認得佢係邊個」。
蘇錦樑出身民建聯，黨友李慧琼發言時幫對方講說話，「(葉太)講法未必完全係事實，我相信稍後蘇錦樑有機會再同葉太溝通，今日大家都係實事求是，討論如何進一步完善制度，並非係對人嘅討論」。Emily翻查資料，蘇錦樑擁有加拿大卡爾頓大學經濟學士，以及渥太華大學工商管理和法律雙碩士學位。
更多港聞
教局深圳辦課程支援跨境生 小組面授 涵蓋心理學習
【明報專訊】疫情持續一年多，跨境學童無法每天過境來港上學。教育局長楊潤雄昨回覆議員查詢時提及兩項新支援措施，稱已委託承辦機構「香港國際社會服... 詳情
【明報專訊】營辦位於九龍塘京斯敦國際幼稚園及京斯敦國際學校的Sheen Wealth International Limited向城規會申請...
詳情
相關新聞
