【Emily】失業援助金之工工大戰
[2020.05.04] 發表
【明報專訊】疫情下百業蕭條，噚日《城市論壇》討論失業問題，主打勞工議題嘅嘉賓針鋒相對，火藥味濃。工聯會鄧家彪(阿彪)話繼續爭取失業援助金，但畀職工盟主席吳敏兒(Carol)炮轟工聯會無理第二輪抗疫基金漏洞，喺立法會照通過撥款。已經唔係議員嘅阿彪就叫吳敏兒唔好喺節目講議會鬥爭。
吳敏兒轟唔理漏洞 照撐抗疫基金
Carol批評工聯會口話爭取失業援助金，但又同意通過800億、向合資格僱主提供工資補貼嘅抗疫基金撥款，「一味話通過咗先，但明知漏洞大成咁」，問到底要等失業援助金等到幾時。阿彪話節目主要講「保就業」，唔好無端端講議會鬥爭；又強調工聯會一直爭取失業援助金，但如果政府有其他措施，佢哋又因為無失業援助金而反對，「你永遠(反對)成個社會咪攬炒囉」。
阿彪提到上年香港第四季本地生產總值(GDP)因為「人禍黑暴」下跌，又重提又一城商場好多人無工開，唔止因為疫情，仲係因為上年有人入去破壞同燒聖誕樹，搞到商場一度關門。
鄧家彪：永遠反對 成個社會攬炒
Carol就反駁話市民唔敢出去消費係因為警察濫暴，「你鍾唔鍾意警察同你一齊消費行街呀工聯會？」兩人愈講愈遠，主持人蘇敬恆都要即刻先叫其他嘉賓發言。
更多港聞
【Emily】油尖旺區議員李傲然 率先表態唔選立會
【明報專訊】民主派正協調立法會選舉，唔少素人陸續表態有意參選，原本有意出戰九龍西嘅油尖旺區議員李傲然反其道而行，噚日率先話唔會參加9月嘅立法... 詳情
【明報專訊】近日建制陣營不時鬧泛民搞「攬炒」，民建聯主席李慧琼近日喺facebook上載訪問全國政協常委唐英年嘅短片，唐唐呼籲「攬炒派唔好再...
詳情
【Emily】facebook發帖報平安 青光眼手術出血 岑智明大步檻過
【明報專訊】天文台前台長岑智明2月退休，原本會到日內瓦出任世界氣象組織服務司司長，但因為要做青光眼手術未能就任。佢噚日就喺facebook發... 詳情
【Emily】副處長創作 建造業群星獻唱抗疫歌
【明報專訊】政府同建造業界一眾重量級人馬，包括發展局長黃偉綸、建造業議會主席陳家駒、土木工程拓展署長劉俊傑等，日前聯同10個專業團體同商會，... 詳情
【Emily】霍啟剛阿爺霍英東 最關心孫仔游水未
【明報專訊】港協暨奧委會副會長霍啟剛接受體院主席林大輝嘅節目《大輝主場》訪問時話，家族喺體育嘅淵源，離唔開爺爺霍英東對體育嘅熱愛，佢透露當年... 詳情相關新聞
