【Emily】霍啟剛阿爺霍英東 最關心孫仔游水未
[2020.05.04] 發表
【明報專訊】港協暨奧委會副會長霍啟剛接受體院主席林大輝嘅節目《大輝主場》訪問時話，家族喺體育嘅淵源，離唔開爺爺霍英東對體育嘅熱愛，佢透露當年爺爺好重視識唔識游水，每次見面第一句都問佢「游咗水未」。佢又話爺爺唔會同佢講人生要點行，但見到爺爺參與體育組織，無形中令佢都認為好有意義。
霍啟剛參與唔少青年工作，佢話當年喺英國讀書，對香港民情社情唔熟悉，當時參與青年工作係希望跳出框框，「一開始無宏大理想」。佢覺得青年交流活動唔應該為做而做，佢早前帶大埔足球會去天津交流，大家共同語言都係踢波、交流亦唔係「洗腦」。至於點樣可以令青年對國家認識更多，霍啟剛建議係咪可以由香港同內地青年，以「中國青年」嘅團隊身分做多啲？
霍啟剛：對郭晶晶一見鍾情
大輝問佢當年點追跳水金牌運動員郭晶晶，霍啟剛就承認對郭晶晶一見鍾情，2004年國家金牌運動員訪港，佢出席晚宴時向對方拎簽名同影相；為咗對方又學拼音。佢話2008年郭晶晶再戰奧運，「我嚇到面都青」，好彩郭晶晶成功衛冕。
更多港聞
4月成立活動受阻 未礙助被裁同工發聲 疫下街站停 幼教新工會腳步不停
【明報專訊】反修例風波危中有機，闢出一條新工會戰線，兩批教師分別成立教育工會，注入年輕教師聲音。香港幼兒教育工會源於去年「三罷」，有幼稚園教... 詳情
時事點對點．農業部：狗屬伴侶動物 內地禁食狗肉邁一步
【明報專訊】新聞撮要 國家農業農村部2020年4月8日發布《國家畜禽遺傳資源目錄（徵求意見稿）》（下稱《目錄》），公開諮詢意見一個月。... 詳情相關新聞
