【明報專訊】美國有俗稱白宮聯署嘅「We the People」計劃，只要30日內收集10萬聯署，就可要求華府回應。近日網上就有聯署要求美國停止干預香港，不過所用嘅英文就受到質疑，例如標題「Stop to intervene in Hong Kong」，有網民就質疑係咪意謂要放低手頭事務去干預香港咁解。截至截稿時聯署有586個簽名，距離10萬個仲有距離。 暫有近600簽名 聯署聲稱由「香港沉默一群」發起，話希望美國總統特朗普停止支持任何干預香港嘅社團，又指摘示威者阻礙主要道路、入侵政府大樓，侵犯人私隱。議會陣線毛孟靜向Emily形容，聯署文章似初中生好努力想寫英文作文，但「愈寫愈吃力」；聯署有句批評示威者揭露有關人士家庭背景、電話號碼、家人時，用咗「digging」字眼，但digging並唔能夠用於人類身上，結果呢句畫面上就好似有人被挖掘出嚟示眾。 另一句叫特朗普停止支持干預香港嘅團體，就叫佢「stop to support」，毛孟靜話，咁樣即係叫特朗普唔好做其他嘢、要支持團體干預咁話；質疑聯署者上載文章前有冇搵人睇吓。
|
| |
| |
;){kind=small}
