【明報專訊】近日社會熱議如何吸引海外醫生，家陣海外醫生可以用「有限度註冊」形式喺公立醫院行醫，但考獲執業資格考試前唔可以私人執業。香港大學醫學院facebook噚日出帖介紹國父孫中山，原來當年英國唔承認港大醫學院前身、香港華人西醫書院嘅資格，孫中山未能正式註冊，只獲有限度執業許可證，無幾耐佢就棄醫從文。 英國不承認華人西醫書院資格 帖文提到，孫中山喺1887年入讀同年創立嘅香港華人西醫書院，成為兩名首屆畢業生之一，其中小型手術實習同公共衛生兩科專業試，佢考獲第一名。後來1911年爆發辛亥革命，華人西醫書院併入同年成立嘅港大，但原來當時英國醫務委員會只肯承認港大畢業生資格，畢業於華人西醫書院嘅孫中山只獲一張「有限度執業許可證」，無法成為正式註冊醫生。 後來佢短暫喺澳門同廣州行醫後就棄醫從文，全身投入革命工作。唔知同拎唔到正式註冊資格有無關係呢？
|
| |
| |
;){kind=small}
