【明報專訊】鄭裕玲(Do姐)、吳君如、毛舜筠、羅蘭及葉童等香港電影金像獎影后，昨日出席「星光大道」重開揭幕禮，並即場打手印。君如笑說：「啱啱毛姐問我，她第時個位擺喺邊？希望各辦事人話聲我們知。」君如解釋是說掌印的位置，毛姐則笑言怕放在君如旁邊，十分搞笑。 Do姐趕住返屋企瞓 Do姐覺得這日特別有意義，因跟其他幾位影后合作過。君如表示很感動加入打手印這個大家庭，很榮幸有份參與香港電影最美好的年代：「我覺得這日打手印的感覺就好似同學會畢業簽手冊咁，手印旁邊又有些祝福語，自己都有點毛管戙。現在有時半夜三更睇番老港產片，見番熟悉面孔，和曾經合作的演員，有時會睇到眼濕濕。」Do姐亦說很榮幸參與其中，讓她回想起以前拍戲真是很辛苦，也希望港產片仍然有光輝的年代。 君如鼓勵大家多支持新浪潮導演，說自己也是其中一員。Do姐秒回：「係咩？」君如笑說：「有冇搞錯呀！」即將籌備新電影的君如，趁機邀請Do姐「出山」參演支持，但自爆每次想邀請Do姐客串都被對方3秒KO。Do姐笑說先看對方拍完有何成績。君如繼續賣口乖，說日前才翻看了Do姐主演的《賭霸》，很好演技，不演戲真的很可惜。Do姐卻搞笑說：「我記得這套戲，多謝捧場。但你咁得閒睇呢啲嘢，你夜晚唔使瞓㗎咩？(Do姐是否很少回味舊片？)我鍾意睇新嘢。」君如笑言：「你就9點瞓，我凌晨1、2點才瞓，所以咪有時間囉。」訪問尾聲，她更抵死說：「好喇，Do姐趕住返屋企瞓喇。」 記者：陳釗 攝影：劉永銳 ■更多娛樂猛料 ﹕ol.mingpao.com
|
| |
| |
;){kind=small}
