【明報專訊】歌手王傑�鵅m幾分傷心幾分癡》街知巷聞，近期有網民改編歌詞，變成《啜毛姨姨》，諷刺政府�鵅u明日大嶼」計劃，其中將歌詞首句「哭泣聲絕無意義」改成「哭泣聲啜毛姨姨」，將民主派會議召集人毛孟靜(Miss Mo)「拉埋落水」。網民改歌並非新鮮事，不過Miss Mo今次就應邀請，現身網民操刀�麰絳硉u片，佢無開金口唱歌，全程表現得好開心，更向Emily盛讚網民創意無限，幾近專業水準。

網民早於去年10月已經去Miss Mo�巀陪�辦公室拍片，但短片直至噚日先上載至「高登音樂台」facebook專頁。片中所見，網民向Miss Mo提供�嚘q詞紙有唔少錯字，搞到Miss Mo要不斷指正；歌詞提到明日大嶼要花幾千億元，Miss Mo拍片時就同網民講：「咩幾千億？1萬億呀！」

Miss Mo指正錯字 讚網民創意

講番首歌，歌詞首句係「哭泣聲啜毛姨姨，公帑浪費幾千億多爭議，但市民反應都好似好參差」，網民就強調「啜」係啜泣咁解；歌詞質疑明日大嶼成本過高，「到底使幾千億等於幾錢，快用完儲稅數載的所有錢，埋尾計數計到超支點算先？」短片貼出後，唔少人讚Miss Mo好玩得，有網民話想聽佢親口唱一次�w。