【明報專訊】唔少政府部門都有宣傳或吉祥物，衛生署早前都推出懶到出汁�儱鄐l「匿獅Lion」。佢成日匿埋�鰜峊齱A最鍾意就係�唌Bhea同埋食，搞到體重指數(BMI)達一級肥胖。衛生署希望匿獅Lion可做反面教材，鼓勵市民日常郁一郁，減低患糖尿同心血管疾病等風險。

洋名Lazy BMI一級肥胖

匿獅Lion英文名Lazy，「匿」字取粵語「匿埋」之意，代表佢成日足不出戶，懶到出汁。佢��10月22日出世，Emily唔係好知年齡密碼，不過匿獅Lion係典型天秤座，性格優柔寡斷，成日諗藉口逃避做運動。佢有兩米高，但成日懶懶閒，體重達110公斤。

衛生防護中心監測及流行病學處非傳染病部高級醫生李嘉瑩話，港人體能活動量不足，兒童及青少年每日應累積至少60分鐘中等至劇烈強度體能活動，成人應每周做最少150分鐘中等強度帶氧體能活動。佢舉例，行樓梯、做家務同洗車都屬中等強度活動，打工仔亦可考慮提早落車步行，間中企起身打字都好過坐足一日。

李醫生話，如果搵醫生講健康知識，市民好可能會「掉頭走」，今次搵公關公司設計出「得意、抵死」�黻庢誄ion，例如透過facebook同instagram發放鬼馬帖文，吸引年輕人多運動。佢又話匿獅Lion日後有機會同其他政府吉祥物一齊宣傳，如果反應好唔排除推出家族成員系列。