【明報專訊】高鐵客流量不似預期，有官員話上京公幹都未必會坐，一班建制派議員就親身支持，仲當做親子活動。工聯會何啟明帶埋囝囝北上高鐵親子遊，經民聯梁美芬就同媽媽搭高鐵返鄉下。

何啟明話噚日同囝囝坐一個站高鐵，用?14分鐘去福田，但因為要預時間做一地兩檢過關，所以買飛時都係揀一個鐘頭之後開車?列車。噚日係國慶假期，乘客量比較多，佢話過關要帶住小朋友走人工通道真係比較煩。福田係唔少香港文青北上「打卡」?地方，但佢就話今次去探親，去到打個白鴿轉就返港，下晝仲要開工喎。

梁美芬�鵀瘚{就轉折?，佢帶埋媽媽從九龍西出發坐高鐵到廣州南，再轉車返到肇慶家鄉鼎湖。佢仲做埋旅遊大使，介紹鼎湖風光，話呢度係1956年被聯合國教科文組織第一個評為自然保護區?中國景點，大讚環境好靚。