【明報專訊】香港人生活壓力大，咁究竟我?有幾開心？有機構喺8月以網上問卷形式訪問1013人，以10分為滿分，今年?開心指數係6.54分，較去年6.4分輕微增加，而調查中有49%市民表示生活開心或非常開心，比舊年增加逾一成。 「香港開心D」平台由2015年起已經有做呢個開心指數調查，將影響快樂指數?因素分為內在心理資本及外在環境因素。外在環境因素方面，市民對於政府施政滿意度只有4.31分，較去年4.94分下跌；對公共醫療嘅評分更係連續第二年下跌，由前年6.29分、去年5.88分，到今年得番5.34分。 調查機構估計，市民對醫療滿意度下跌係同醫院人手短缺同輪候時間長有關。關注病人權益嘅香港社區組織協會幹事彭鴻昌就同Emily講，相信市民都係因為眼見近年「匪夷所思」嘅醫療事故增加，例如數月前屯門醫院有伯伯肛門被塞硬物，加上平日公立醫院輪候時間過長，服務爆棚。
|
| |
| |
