【明報專訊】港區人大代表去年換屆，不過即使經過上月嘅全國兩會，一般市民都未必認識全部36個代表。曾任港區人代嘅自由黨創黨主席李鵬飛，噚日喺港台節目《議事論事》上，就向新任全國人大常委譚耀宗建議成立一個港區人代辦公地點，等市民聯絡有門，同多啲認識人代。不過譚sir話，人代同立法會議員唔同，全國人大無提供相關資源，但人代都會喺各自辦公地方為民服務咁話。 譚sir話，做人代無類似立法會議員嘅資源，但各人都會有自己辦公嘅地方，為市民服務，唔係只得屋企，而辦公地方嘅資源都係人代自己畀，形容做得人代呢個位，會有好多人求助，作為人代會盡量幫。佢話，過去咁多屆人大代表都係咁做法，唔係一定要有個集中辦公地點先做到嘢嘅。
|
| |
| |
