【明報專訊】鄭希怡(Yumiko)、黃依汶(前名黃伊汶)及黎諾懿昨日到尖沙嘴出席品牌慈善活動，3個星級爸媽現場大談湊仔經，黃依汶爆老友Yumiko生女後變得有耐性，Yumiko表示女兒梁浸浸平時愛擁着黃依汶兒子陳真，肉緊得變成箍頸，又讚陳真靚仔是好女婿之選。黎諾懿笑言兒子「小春雞」基因也不錯，叫Yumiko考慮列入女婿名單。

受訪時，黃依汶與Yumiko表示彼此感情要好，差不多時間結婚生B，現在安排她們的子女陳真和梁浸浸一起上學，好讓大家有個照應。黃依汶謂公餘時間會睇育兒書，學習如何發掘小孩子才華，她笑說﹕「我老公陳國坤也教陳真耍雙節棍，讓他學識自衛，因為梁浸浸是熱情女孩，令人又愛又恨，有次她攬住陳真，好似想箍死他，刮損陳真塊面，老公就肉赤。不過陳真學功夫，暫時只是表演給親友睇，未想到接真人騷，始終他只得1歲8個月大，仲細。」Yumiko也有跟黃依汶睇書增進育兒知識，現在跟女兒多了互動，關係變好，又親自教梁浸浸跳舞、唱歌、彈琴。問她們是否想將來對親家？Yumiko直言不拘，黃依汶則謂沒想太多。

黎諾懿﹕禁性感係保護女藝人

黎諾懿也有留意無綫實施禁女藝員性感的報道，他相信措施是對藝人的尊重，保護新入行的女藝人，免得被要求裸露演出不懂拒絕，他說﹕「台慶曬高貴性感應該可以，新例可能只是針對泳衣，強姦戲意識上就夠，迎合內地巿場無可厚非，或者我推薦公司拍劇分兩個版本，香港寬鬆點，內地要審批就嚴謹少少。」他指剛拍完的新劇《逆緣》有遊船河場景，女藝人有泳衣戲分，但屬健康性感，無聽聞要刪剪。

記者﹕鍾一虹