【明報專訊】政府今年1月公布，委任鍾偉強及梁淑寶分別出任創科局副局長及政治助理，兩人已經返緊工，其中洋名Sandra嘅梁淑寶(圖)，利益申報近日已上載。 Emily立即八卦吓，原來佢同局長楊偉雄一樣鍾情港島南區，Sandra同兄長及父親夾份擁有一個南區物業，其丈夫則喺美國三藩市擁有一個物業。相對楊偉雄兩夫婦申報喺美國同香港擁有10個物業及住宅單位，Sandra嘅申報明顯簡單好多。除咗物業，Sandra又喺申報提到，自己係香港電腦學會副會員，同埋瑪利曼校友協會會員。 Sandra同Emily講，𠵱家以香港為家，但老公就可能要美國香港兩邊走。上任後首要工作係認識新環境及同事，又已經開始聯絡業界及政黨等，推銷同聆聽大家對新提出嘅創科政策意見。至於今屆政府任期只餘下一年多啲，Sandra就話會盡力而為，好多工作要做，唔會受任期影響。
|
| |
| |
;){kind=small}
