【明報專訊】自由黨主席鍾國斌(Felix，圖)噚日52歲生日，有個18歲女兒嘅佢，今年囡囡去咗英國讀書，令佢首次生日無阿女陪，唯有返屋企同老婆食餐飯簡單慶祝。佢又話阿女好有心，英國時間搭正12點就打電話畀佢祝佢生日快樂，以前又會自製生日卡，好有心思。 對特首女兒梁齊昕早前摑阿媽事件，Felix話睇片都覺好傷心，希望齊昕都係因飲醉酒、斷晒片先做出呢啲行為，又話齊昕當日化個咁嘅妝，別人見到都驚，如果佢係的士司機都會拒載。Felix讚梁太當時表現幾好，話正常嘅阿媽畀個女咁對待，應該會即刻喊出嚟。 Felix話同阿女關係好，因為以前每朝都車囡囡返學，車足14年，即使囡囡去蘭桂坊玩，佢凌晨3點都會揸車接佢。Felix話幾時都將家庭放第一位，最緊要多啲時間陪佢哋，仲話如果家庭唔和睦，「畀個皇帝我做都無用！」
|
| |
| |
;){kind=small}
