【明報專訊】杜汶澤與鄭中基這對電影《低俗喜劇》的搞鬼拍檔，最近聲演新西蘭電影《低俗殭屍玩出征》，在戲中繼續爆粗爆笑，變成廣東話的三級版本上映。

杜汶澤說﹕「這齣電影是導演彭浩翔在電影節中看過後介紹給我們，大家看過後都覺得好睇，於是去八卦問為何香港無得上映，發行商就話，如果我哋配音才有吸引力，於是大家就決定玩吓！」

阿澤﹕角色講粗口合理

是你們提議配上粗口版本？阿澤笑言﹕「係我哋配音時忍唔住爆粗，因為殭屍生活了幾千年會好燥，少不免會講粗口，加上幾個男人一齊住，怎會不講粗口。(粗口是跟稿還是自由發揮？)稿是一隻字粗口都無，但我哋配到一隻正經字都無。」

其實除了阿澤與鄭中基聲演外，《低俗喜劇》班底都有份配音，包括邵音音、陳靜及田蕊妮等。問到誰人最爛口？阿澤笑說﹕「唔係我哋兩個，係戲中配角，通常三級片的主角無咁爛口，因為我哋控制得好，前提是娛樂大眾，配音前會構思如何講得好笑。」

鄭中基複製「暴龍哥」口音

鄭中基說﹕「今次我用上《低俗喜劇》角色『暴龍哥』的口音去配。(聲演相較拍戲舒服得多？)唔係！配音差不多等如拍戲，因為不是講一次就得，又要對口形又要加粗口。」

杜汶澤

髮型﹕Marco@Hair corner

化妝﹕Nichol Chau

鄭中基

髮型﹕Horace Tse@Queens private I Salon

化妝﹕Mon Chun

服裝﹕Beauty&Youth from i.t

■更多娛樂猛料 ﹕ol.mingpao.com