【明報專訊】政改「黃金交叉」噚日出現，最新出爐嘅三大政改民調顯示，反對政改民意超前支持1.3個百分點，建制派議員噚日繼續質疑民調可信度，民建聯蔣麗芸(Ann，小圖)就話，民調唔好盡信，而「蔣麗芸個案」更係唔少學者嘅研究對象。 單仲偕向田少「追數」 建制派多次呼籲泛民順應民意支持政改，?家反對政改比率超前，泛民仲係咪應該順應民意呢？Ann姐就話，尊重民意但民調唔好盡信，好似佢2012年參選立法會，選前一日港大民調都話佢唔能夠躋身議會，結果佢以得票首位當選，仲話中大政政系高級講師蔡子強都因為咁訪問過佢。 民主黨單仲偕噚日喺立法會見到自由黨田北俊，亦向對方「追數」，問自由黨會唔會按民調結果投反對票。不過，田少就話泛民唔使佢嗰票，自由黨會繼續投票支持政改。 其實田少委託港大民研做嘅超級民調喺4號已經做緊，除咗問係咪支持政改方案，另外仲加多條問題，問市民係咪支持立法會通過政改，建制派經常批評三大民調問題有引導性，至於市民係咪支持立法會通過政改，15號就有結果。 法政匯思指泛民不應太高興 法政匯思召集人任建峰就喺facebook話，泛民唔應該為民調而高興。點解呢？佢話民調結果好似恒生指數，上上落落係正常事，如果對泛民不利就話「我們是為道德底線做事」，?家又話「看，我們有民意在手」，咁樣嘅反應同建制派早前話打民意牌，但?家又「發爛渣」有咩分別喎？
|
| |
| |
;){kind=small}
