【明報專訊】政改仲有約一個月表決，唔同團體都陸續公開表態，好似「大愛同盟」創辦人之一黃耀明噚日就聯同28個性別小眾團體，召開記者會表明反對政改「袋住先」，明哥形容今次係假普選，強調「爭取唔到最好，都唔會接受最差、最爛�麍F改」。佢�]又用玩具槌仔打向假LV手袋、假奶粉等，寓意反對假貨，不過假貨未爛，反而有人打爛�鱄蚨l仔，似乎出師不利喎。

到場支持�鴾H民力量陳志全(慢必)同Emily講，有人向佢拉票支持政改，話如果有普選，相信會更易爭取到提委、特首支持反性傾向歧視立法，不過慢必就表明，就算有同性婚姻佢都唔可能支持政改。慢必無透露拉票者係邊個，但話對方話無普選就唔會參選特首，Emily相信拉票者係邊個應該不言而喻。

盡力游說民主派 但唔會參選

黃耀明話會盡力接觸所有民主派游說，又表明自己唔會參選。被問到咁高調擔唔擔心被內地封殺，佢話唔驚，因為已經封殺緊，好彩自己都有�衋x蓄。

新婦女協進會郭家齊�鰤O者會度話，婦女團體於1980年代至今一直爭取直接選舉，利用手上選票表達意見，令婦女訴求可以帶入議會，批評提名委員會係功能組別翻版，基層、婦女訴求唔會受到正視，形容功能組別「劣績斑斑」，欠缺基層視角。