【明報專訊】支持特首梁振英嘅網上平台《港人講地》近日邀請唔同政界人士推銷政改，提倡支持政改嘅民主黨黨員狄志遠都有接受訪問，話香港難得有機會喺中國土地內實現一人一票，係一個好偉大嘅民主發展示範作用。 夫婦爭拗比喻政改 《港人講地》噚日發布狄志遠嘅訪問片段，仲大讚狄志遠係「良心民主派」、「真心為香港好嘅民主派人係講呢啲，而唔係出來嗌吓口號扮吓小丑就一日囉，尊貴的泛民議員們」。 咁高調接受親政府嘅網上平台訪問，怕唔怕被民主派批評？狄志遠同Emily講，因為目前做緊唔同嘅游說工作，希望將持平嘅觀點透過唔同平台發表。 狄志遠喺網上訪問中以夫婦爭拗比喻政改，話兩夫婦矛盾開始時只係好小事，但慢慢小摩擦就會變成意氣之爭，「我係唔順你」，大家會愈來愈割裂，最後離婚收場，「係好唔值得」。狄志遠話，?家各方都無深深思考不同政改意見，從而尋求共識，再咁落去，輸就輸成個香港。
|
| |
| |
;){kind=small}
