【明報專訊】立法會會議廳走廊外有「咪兜」畀傳媒放咪牌同錄音筆方便採訪，但每個受訪者高度唔同，如果擺滿晒咪，要再人手調校咪兜高度都幾麻煩。近日立法會就更換咗個木製咪兜，除咗可擺放多啲咪牌，原來仲可以按掣調校高矮。 做過記者嘅民主黨主席劉慧卿話，新咪兜係佢為大家爭取幾年嘅成果，噚日仲向一眾記者展示新咪兜有幾方便，如果佢著咗高踭鞋就可以調高啲，即使好似黨友何俊仁咁，亦可方便校低啲。不過卿姐笑言，咪兜唔係只為何俊仁而設，又話如果何俊仁同民建聯何俊賢(高佬賢)一齊扑咪，就咁麻煩啲喇。 卿姐噚日仲專登教商務及經濟發展局長蘇錦樑玩呢個咪兜(圖)，蘇錦樑亦對呢個設計好好奇，扑咪前仲特登問記者，咪兜高度啱唔啱，唔啱校到啱。
|
| |
| |
;){kind=small}
