【明報專訊】古天樂、陳慧琳(Kelly)昨日到北角出席《明周星級企業大獎》活動，獲頒「星級品牌男、女代言人獎」，古仔好開心得獎，指拍廣告除向消費者傳達產品用途，做代言也有享受：「最開心代言鞋，每年有個系列自己幫手設計，好大滿足感。之前跟公仔貓拍廣告都好開心，拍信用卡廣告又可用積分換機票，慳好多，做代言有一般不知道的好處。」

古仔自爆最怕換燈膽

古仔希望多機會接觸不同事物，好似看電影也對科幻車感興趣，最想代言家電並參與設計：「因為我鍾意買工具箱、家庭電器，去旅行又會睇雪糕機、多士爐。」但他自爆最怕換燈膽：「燈膽分好多種，好麻煩，好彩家人不介意燒了燈膽，燒了半年都不理。」

恨拍航空公司廣告

大騷美腿的Kelly去年代言了不少產品，期待未來為航空公司拍廣告，乘機周圍旅行放鬆、偷懶一下。「如果可以就帶老公、囝囝一齊去，最好暑假去南非睇動物、企鵝。」不過她最近好忙，復活節未必能抽空跟家人旅行。近期流感肆虐，Kelly都提高警覺照顧兩子：「如果受感染，一定不讓他們返學，每日都確定無一滴鼻涕、一聲咳嗽，有給他們食維他命增強體格。」

Kelly將於聖誕再開個唱，笑言近日已開始排舞， 差點練到腰斷：「暫時未定場數，但不想開太多場，好辛苦。相隔多年無練習，想早點pick up，跳新舞很有挑戰性，體力上要保持。」老公Alex有無陪伴喼弗？Kelly笑說：「叫過，但他不肯，他不用上鏡，不用喼弗。」

記者：鍾一虹

攝影：鍾偉茵

■更多娛樂猛料 ﹕ol.mingpao.com