【明報專訊】身為「全港教師之首」嘅教育局長吳克儉，上任初期試過「拋錯書包」，將分道揚鑣講錯成分工合作，又試過引《出師表》時話「不宜妄自菲薄，引喻失義」有八個字，被人笑到面黃，唔知係咪經過兩次教訓學精咗呢，吳局長噚日被記者問佢「一錘定音」到底點解時，就話「冇其他意見」，不再多講。 話說政務司長林鄭月娥上周六喺普選研討會後，講咗一句話，指會上講者發言有「一錘定音的效果」，於是過去兩日人人都問呢句嘢嘅真正意思，吳克儉聽到記者問佢，即刻封嘴，話「司長已經補充咗，我都冇其他意見喇」。 專家：一把聲音作最後決定 既然吳局長唔答，Emily就去咗搵香港大學中文教育研究中心總監謝錫金嚟解答。謝總監話，「一錘定音」係解喺多個唔同嘅聲音下，有一把聲音作出咗最後決定，唔知吳局長又認唔認同呢個解法呢？
|
| |
| |
;){kind=small}
