【明報專訊】Emily成日聽到政府講「做大個餅」，經濟好、市民自然好嘅「滴漏效應」說法，講完又講，但實情係好似有唔少基層市民嘅居住環境仍然極端惡劣。社區組織協會同ArtWalk合作，展出一批攝影師鏡頭下香港基層嘅蝸居照片，並透過展覽籌款，希望將捐款用於社區工作及政策研究。

Emily聽社協講起，呢批劏房蝸居照，展示咗本港出現令人窒息同絕望嘅居住環境，有關照片喺網上發布後，已有30多個國家地區嘅報章及電視台報道。

展覽喺本周三(3月12日)下午4點半至晚上11點半，於上環荷里活道210號地下舉行，詳情可瀏覽社協網頁(http://www.soco.org.hk/artwalk2014)。

(社協提供)