【Emily】副處長：地下位置好有代表性 再見灣仔 入境處今遷將軍澳

灣仔入境處總部地下牆上有「入境事務大樓」6個字，副處長戴志源（圖）提到呢個位置唔係好華麗好靚，但好有代表性，因為每有新處長上任，都喺同一位置見記者。（影片截圖）

入境處總部今日搬去將軍澳，部門噚日喺YouTube上載影片告別，最後搵咗幾張入境事務大樓舊相，對照今日模樣，同時可見香港變遷。（影片截圖）

【明報專訊】入境處總部今日起正式搬去將軍澳，告別灣仔告士打道嘅入境事務大樓。入境處噚日喺YouTube上載告別影片，邀請不同部門員工分享工作同感受，其中最「早」同市民接觸嘅應該係保安主任賴遠聰，佢話每日清早7點鐘，就會打開大樓鐵閘畀市民排隊等候，到8點鐘上樓做各項申請，佢話最繁忙嘅時候，朝早7點前已有200多至300人喺大樓外排隊。

灣仔入境事務大樓自1990年啟用，大樓地下「水牌」牆上有「入境事務大樓」6個大字，副處長戴志源喺影片提到，呢個位置唔係好華麗好靚，但係好有代表性，因為每有新處長上任，都會喺同一位置見記者。戴志源又話對新總部充滿期待，亦好有信心搬遷後可繼續維持最貼心服務。

唔少人辦理身分證明文件、旅遊證件都可能去過灣仔大樓，暑假就係市民申請特區護照嘅高峰期，原來入境處有職員負責特區護照嘅品質鑑定工作，文書助理黃慧齡就係其中一人，佢都話自己嘅工作好特別，因為唔係好多人可見證一本護照嘅誕生。

更多港聞

【Emily】要入App搶 港鐵今起送高鐵動臥車飛

【明報專訊】來往香港至上海同北京西站嘅城際直通車將會由高鐵「動臥列車」取代，並會喺呢個星期六通車。為慶祝高鐵香港段首推動臥列車，港鐵嘅手機應... 詳情

【Emily】戴安全帽爬龍舟 健兒奪魯班盃

【明報專訊】建造業議會今年贊助沙田龍舟競賽嘅5場賽事，吸引咗34支建造業界同政府部門組織嘅龍舟隊參賽，其中香港建造業總工會嘅龍舟隊健兒戴埋黃... 詳情

【Emily】發光蛋 藝術有理 吸130萬人次

【明報專訊】維港兩岸早排有藝術裝置展出，包括「teamLab：光漣」嘅「發光蛋」，康文署話，包括添馬公園和中西區海濱長廊中環段舉行嘅「發光蛋... 詳情

【Emily】1947年出版《辭海》 洪雯家中有「寳」

【明報專訊】唔少人屋企都有舊書，立法會選委界別議員洪雯就收藏咗一本77年前出版嘅辭典《辭海》。佢話，喺冇互聯網嘅年代編撰一本收錄10多萬條目... 詳情

【Emily】青年議政訓練課程 4堂盛惠$750

【明報專訊】暑假臨近，香港青年協會領袖學院下月舉行「青年立法會議政訓練證書課程」，對象係中四至中六學生。參加者可以學習同了解本港立法制度運作... 詳情