【Emily】5區「童亮館」開幕 多元支援基層童
[2024.04.12] 發表
【明報專訊】賽馬會慈善信託基金主導推行嘅「賽馬會童亮計劃」轄下有個「賽馬會童亮館」，結合醫護、教育同社福嘅跨專業協作模式，為6歲及以下基層幼童創造一個富啟發性、教育意義同兒童友善嘅環境。5間「賽馬會童亮館」噚日開幕，分別位於九龍城、深水埗、沙田、屯門、元朗呢啲有較多基層兒童嘅地區。計劃係透過增強家長親職能力、改善學校環境、設立童亮館，以提升社區參與度，全面支援基層幼童。
馬會主席利子厚噚日出席開幕儀式時致辭提到，童亮館設備完善，仲係跨專業協作嘅社區活動空間，畀基層幼童可以透過遊戲，促進全人健康成長，同時為教師同家長提供培訓。
計劃自2017年開始，於2022年起動第二階段，預計2027年有超過7萬個幼童及其家長、約280間幼兒學校受惠。
更多港聞
【明報專訊】私隱專員公署今年將舉辦「AI新世代保障私隱領袖培訓計劃」，畀學生透過參加專題講座、同保障資料主任交流、參與同微軟香港合辦嘅人工智...
詳情
精神病中小生5年增兩倍 教局：加強支援精神健康 上學年開支8700萬
【明報專訊】近年學生精神健康情况備受關注。教育局向立法會特別財委會提交數據，顯示過去5年，患精神病的中小學生人數增逾兩倍，即由2018/19... 詳情
相關新聞
