【Emily】染疫孫東會王瑞杰 稱全程戴口罩
[2022.08.31] 發表
【明報專訊】特首李家超計劃今日到廣東出席活動及見內地官員之際，政府化驗社區污水，發現李所住屋苑何文田帝庭園驗出新冠病毒污水樣本，政府會派發快速測試包畀居民自行檢測，以搵出隱性患者。睇番資料，今次唔係首次喺帝庭園驗到污水樣本陽性，5月時試過，當時李家超未上任特首。政府噚日仲公布多區污水樣本驗出病毒，包括大埔多個屋苑、何文田及花墟道附近一帶住宅等。
李家超住所帝庭園污水新冠陽性
政府總部近日成為疫情「重災區」，多名高官染疫，其中創新科技及工業局長孫東周一(29日)晚初步確診並接受隔離，其新聞秘書證實，孫東同日有與訪港嘅新加坡副總理王瑞杰會面，強調孫東全程戴口罩。據Emily了解，包括王瑞杰在內，當日與會者如新加坡駐港總領事王首毅都未被列為密切接觸者。
連日落區視察各區衛生黑點嘅副政務司長卓永興，同原訂今日主持一帶一路高峰論壇嘅商務及經濟發展局長丘應樺，同於上周五(26日)確診，副商經局長陳百里同局長政治助理李世華都被列為密切接觸者。另政府噚日公布，副政務司長嘅政務助理核酸檢測呈陽性。
高官接連確診，港大感染及傳染病中心總監何栢良建議可以加強政總檢測要求，包括首長級以上官員要每日核酸檢測，並確保喺政總返工嘅公務員打齊3針或4針疫苗。
更多港聞
【Emily】匯賢搞二十大研討會 講中共史盛惠$1200
【明報專訊】官方新華社噚日宣布中共「二十大」喺今年10月16號舉行，由中共總書記習近平主持會議。Emily留意到，由新民黨主席葉劉淑儀創辦嘅... 詳情
【Emily】外傭政策13建議 民建聯倡設監管局
【明報專訊】新冠疫情下一度鬧外傭荒，亦衍生外傭「跳工」等問題，民建聯家庭事務委員會噚日向特首提交「完善外籍家庭傭工政策倡議」，提出13項有關... 詳情
【明報專訊】下周六（9月10日）就係中秋節，近日新冠病毒疫情雖然反彈，相信唔少人仍想同親友共聚賞月。天文台話，中秋節當晚，滿月會於「月出」前...
詳情
相關新聞
