【Emily】中秋賞月錦囊 翌晨零時40分最佳時機
[2022.08.31] 發表
【明報專訊】下周六(9月10日)就係中秋節，近日新冠病毒疫情雖然反彈，相信唔少人仍想同親友共聚賞月。天文台話，中秋節當晚，滿月會於「月出」前出現，所以市民未必睇到，但若天氣情况許可，市民仍可於中秋節前後觀賞到又圓又光嘅月亮。
為方便市民賞月，天文台推出賞月錦囊，列出中秋節前後「月出」、「月上中天」及「月落」嘅時間。中秋節當晚，滿月時間為下晝5時59分，當時月球仍喺香港嘅地平線以下，即係市民未能觀賞到滿月一刻，直至6時43分，月亮才會從地平線上升起，亦即「月出」；「月上中天」時間為翌日零時40分，仰角60度，若天氣情况許可，只要身處較空曠地方，抬頭就可以見到明月。
至於月上中天，天文台話，即係月球橫越本地子午線嘅時刻，月球位於正南方，仰角為全晚最高，係賞月最佳時機。
更多港聞
相關新聞
