【Emily】匯賢搞二十大研討會 講中共史盛惠$1200

[2022.08.31] 發表

【明報專訊】官方新華社噚日宣布中共「二十大」喺今年10月16號舉行，由中共總書記習近平主持會議。Emily留意到，由新民黨主席葉劉淑儀創辦嘅匯賢智庫學苑，下個月會搞個「慶祝中共二十大研討會系列」，邀請學者專家講述中共百年變遷，頭炮就邀請咗亞視前高層兼時事評論員劉瀾昌講述「認識共產黨歷史」。

根據宣傳單張，研討會喺9月中至9月底分3場舉行，全部由劉瀾昌主講，總共講8個鐘頭，涵蓋中共創立、抗戰、新中國成立、文革、改革開放到二十大之前，以普通話授課，盛惠1200蚊。除此之外，課程仲包括內地黨史教科書教材。

Emily問過劉瀾昌，佢話講中共歷史都唔係好奇怪，因為自己處理開中國大陸新聞，仲認真地邀請Emily旁聽一堂𠻹。

更多港聞

【明報專訊】新冠疫情下一度鬧外傭荒，亦衍生外傭「跳工」等問題，民建聯家庭事務委員會噚日向特首提交「完善外籍家庭傭工政策倡議」，提出13項有關... 詳情

【明報專訊】下周六（9月10日）就係中秋節，近日新冠病毒疫情雖然反彈，相信唔少人仍想同親友共聚賞月。天文台話，中秋節當晚，滿月會於「月出」前... 詳情