【Emily】青民搞speed dating慶回歸 限18至35歲 名額100 男女各半
[2022.07.11] 發表
【明報專訊】香港回歸25年，不同團體都搞慶祝活動，青年民建聯就別開生面，舉辦名為「青民．遇見你真好」嘅青年聯誼活動，Emily見到張海報話名額100個，仲要係「50男：50女」，加埋啲心心圖案，唔通係相睇活動？青民主席施永泰同Emily講，最初構思活動係因為留意到政界青年以男性居多，有唔少人反映工作上難結識異性，於是決定辦聯誼活動，今次活動的確類似speed dating，透過玩遊戲等環節，希望參加者提升社交技巧，認識理念相同嘅朋友，然後一齊「開新篇章」。
盼參加者找到啱key朋友 「齊開新篇章」
施永泰話原打算去年舉行，但受新冠疫情影響延至今年，就配合回歸舉行更大型嘅聯誼活動，屆時會有重量級政界人物做神秘嘉賓；而因今年係回歸25周年同民建聯成立30周年，活動特別同25個知名青年團體及5個新晉青年團體合作。
施永泰話歡迎18至35歲嘅單身青年參加，並透露已有逾300人報名，包括擁有碩士、博士資歷者，最終會以面試方式甄選100名參加者，男女各半，佢強調會揀選各方面條件優秀、「best of the best」嘅青年參加。聯誼活動將於7月23日舉行，本周三(13日)截止報名，費用全免。
更多港聞
【Emily】中華聖經文物館開幕 展出第2億本特別版聖經
【明報專訊】影音使團、愛基金及愛德基金會噚日舉行「百年和合典藏聖經祝福香港暨中華聖經文物館開幕祝禱禮」，活動上將南京愛德印刷第二億本中文聖經... 詳情
【明報專訊】東鐵線過海段5月通車，為令月台乘客分佈更均勻，引入咗「過海易」同「車廂載客情况顯示」資訊；最近又有新猷，喺今日（11日）開始，連...
詳情
【Emily】偕囝囝赴同鄉展 陳家珮話似去咗旅行
【明報專訊】民政總署聯同28個同鄉會上周三起喺會展舉辦一連7日嘅「同鄉文化名勝展」，新民黨議員陳家珮（Judy）前日就帶埋囝囝一齊參觀，囝囝... 詳情相關新聞
