【Emily】偕囝囝赴同鄉展 陳家珮話似去咗旅行
[2022.07.11] 發表
【明報專訊】民政總署聯同28個同鄉會上周三起喺會展舉辦一連7日嘅「同鄉文化名勝展」，新民黨議員陳家珮(Judy)前日就帶埋囝囝一齊參觀，囝囝仲充當小助理幫佢影相。
Judy同Emily話因為新冠疫情，近幾年都無機會帶囝囝去旅行，故趁住有展覽就帶佢一睹不同省市嘅傳統文化，好似去咗一次小旅行。Judy形容囝囝比較文靜，一向都有帶埋佢落區，例如剛過去嘅父親節，佢哋就母子檔一齊派禮物。
講番個展覽，Judy話比預期中豐富，有多個攤位展示不同省市嘅手工藝、服飾、飲食文化等。其中令佢印象最深刻嘅部分，係來自湖北嘅「曾侯乙編鐘」仿製品(編鐘係中國傳統打擊樂器)，真品係中國迄今發現數量最多、保存最完好嘅春秋戰國時期嘅一套編鐘。同鄉文化名勝展聽日(12日)完結，有興趣嘅市民可以免費入場參觀。
更多港聞
母一日兩餐省錢助女學琴 社協辦基層音樂會募捐扶貧
【明報專訊】將升讀中五的王凱瑩學習古箏已4年，11歲時母親送她禮物，讓她自選樂器學習，自此令她愛上音樂，「是意義很大的一份禮物」。凱瑩一家五... 詳情相關新聞
